Azərbaycan keçmiş Dağlıq Qarabağ rəsmiləri də daxil olmaqla, 19 erməni məhbusun hamısını Umbaki həbsxanasına yerləşdirib.
Azadlıq Radiosu çərşənbə axşamı bildirib ki, məhbuslar Dövlət Təhlükəsizlik Xidmətinin təcridxanasından Umbakıyə köçürülüb. Radio erməni məhbusların Avropa İnsan Hüquqları Məhkəməsində nümayəndəsi Siranuş Saakyana istinadən yazıb ki, məhbusların 3-ü 2023-cü ildən bəri cəzasını Umbakıda çəkir.
“Üç nəfər artıq 2023-cü ildən bəri bu müəssisədə saxlanılırdı, digər 16 nəfər isə ora köçürülüb – bunlar fevral ayında məhkum edilmiş ermənilərdir”, – Saakyan deyib.
Saakyan həmçinin bildirib ki, uzun danışıqlardan sonra Avropa İşgəncələrin Qarşısının Alınması Komitəsi ötən il Umbakı də daxil olmaqla, Azərbaycandakı həbsxanalara qısa səfər edib. Hesabat tamamlanıb, lakin Saakyanın sözlərinə görə, Azərbaycan onun dərc olunmasına razılıq verməyib.
Sahakyan AzadlıqRadiosuna bildirib ki, “bu, bizə işgəncələrlə bağlı son dərəcə ciddi və həyəcanverici məsələlərin qaldırıldığı, dövlətin razılıq verməkdən imtina etdiyi və nəticələri ictimaiyyətə açıqlamadığı barədə nəticə çıxarmağa imkan verir”.
Saxlanılanlar arasında digər ermənilərlə yanaşı, Dağlıq Qarabağın keçmiş siyasi və hərbi rəhbərliyi də var.
Dağlıq Qarabağın keçmiş prezidenti Araik Harutyunyanın vəkili Cavid Rzazadə “OC Mediaya bildirib ki, köçürmələr barədə heç bir xəbər almayıb, lakin bunu yoxlamağa çalışacaq.
O əlavə etdi ki, Umbakıda həm həbsxana, həm də təcridxana var. Təcridxana 2023-cü ildən fəaliyyət göstərir.
Dağlıq Qarabağın keçmiş parlament spikeri Davit İşxanyanı təmsil edən vəkil Aqşin Məmmədli ayrıca olaraq köçürmənin baş verdiyini təsdiqləsə də, bunun nə vaxt baş verdiyini dəqiq deyə bilməyib. O, əlavə olaraq məhbusların Umbakı istintaq təcridxanasına yerləşdirilməsinə də aydınlıq gətirib.
O izah edib ki, “Bu, həbsxana deyil, istintaq təcridxanasıdır. Hökmdə həmçinin məhbusun hökm qüvvəyə minənə qədər istintaq təcridxanasında saxlanılacağı bildirilir.
“Bunda heç bir qanun pozuntusu yoxdur, hər şey qanunidir. Bəzən görürsən ki, çoxlu sayda məhbus var və onlar bir istintaq təcridxanasından digərinə köçürülür”, – deyə Aqşin Məmmədli bildirib.
Məmmədli əlavə edib ki, erməni məhbuslar cəzalarından apelyasiya şikayəti müddətində Umbakı istintaq təcridxanasında saxlanılacaqlar.
“Onlar bu müddət ərzində orada qalacaqlar, sonra isə həbsxanaya göndəriləcəklər”.
Erməni məhbusların saxlanıldıqları şəraitə gəlincə, Məmmədli bu haqda heç bir məlumatı olmadığını deyib, lakin 19 erməni məhbusun digər məhbuslardan təcrid olunmuş şəkildə saxlanıldığını qeyd edib.
O, “Onların başqa insanlarla heç bir əlaqəsi yoxdur. Onlar digər erməni məhbuslarla yalnız öz otaqlarında ünsiyyət qururlar” deyib və əlavə edib ki, çox güman ki, onlar “bu saxlama mərkəzində onlar üçün yaradılmış ayrıca otaqlarda” saxlanılırlar.
Məmmədli iddia edir ki, “məhbusların neçəsinin birlikdə saxlanıldığını dəqiq bilmir amma onlar erməni məhbuslar “həmişə saxlama şəraitindən məmnun olublar”.
“OC Media”nın həbsdə olan əməkdaşı və tədqiqatçısı Bəhruz Səmədov da dövlətə xəyanət ittihamı ilə Umbaki həbsxanasında həbs cəzası çəkir. Həbsxanadan vaxtaşırı Səmədova qarşı pis rəftar, o cümlədən psixoloji zorakılıqla bağlı məlumatlar yayılır.
Fevralın 5-də Bakı Hərbi Məhkəməsinin qərarıyla Dağlıq Qarabağın beş keçmiş rəsmisi ömürlük həbs cəzasına məhkum edilib, iki keçmiş prezident isə yaşlarına görə 20 il həbs cəzası aldı. Qalan səkkiz erməni əsilli şəxs 15 ildən 19 ilədək azadlıqdan məhrum edilib.
Ondan bir neçə gün sonra eyni məhkəmə keçmiş Dağlıq Qarabağ dövlət naziri Ruben Vardanyanı 20 il həbs cəzasına məhkum edib.
Yanvarda Azərbaycan dörd erməni məhbusu Ermənistana təhvil verib. Bundan sonra Azərbaycan daha çox erməni məhbusunun azad edilə biləcəyi ilə bağlı təklifləri rədd edib.
QEYD: Yazının əsli “OC Media”nın rəsmi internet səhifəsində dərc olunub. “OC Media” oxunuşu asanlaşdırmaq üçün Abxaziya, Dağlıq Qarabağ və Cənubi Osetiya ilə bağlı “de-fakto”, “tanınmamış” və ya “qismən tanınmış” kimi təsnifedici ifadələrdən istifadə etmir. bəyan edir ki, bu cür ifadə onların statusu ilə bağlı mövqe anlamına gəlməməlidir.
Qəzetçi: Yazıda işlədilən ifadələrə görə məsuliyyəti “OC Media” daşıyır.